عبدالله برای شرکت درنشست سازمان همکاریهای شانگهای به تاشکند رفت
رییساجراییه بهمنظور شرکت در هژدهمین نشست سران کشورهای سازمان همکاریهای شانگهای، پیش از چاشت امروز (جمعه، ۱۰عقرب /آبان) به تاشکند، پایتخت ازبیکستان، رفت.
نگاه نو_ دفتر رسانههای ریاستاجراییه میگوید که آقای عبدالله در حاشیۀ این نشست با قاهر رسولزاده، نخستوزیر تاجیکستان دیدار کردهاست.
در یک خبرنامۀ ریاستاجراییه آمدهاست که دو طرف دربارۀ مسایل مربوط به انتخابات، امنیت و صلح در افغانستان گفتوگو کردهاند.
بربنیاد این خبرنامه، نخستوزیر تاجیکستان، صلح در افغانستان را برای تاجیکستان با اهمیت خواندهاست و گفتهاست که «ترانزیت، انتقال انرژی و عملی شدن برنامههای بزرگ منطقهیی چون کاسا یکهزار به امنیت در افغانستان بستگی دارد.»
قرار است هژدهمین نشست سران کشورهای سازمان همکاریهای شانگهای به روزهای اول و دوم ماه نوامبر برگزار شود.
ریاستاجراییه میگوید که عبدالله عبدالله به نمایندهگی از افغانستان در این نشست سخنرانی خواهد کرد.